Примената на Design Thinking нè охрабрува повторно да размислиме како ја носиме идејата од концептот, преку процесот на развој до лансирање. Фокусирајќи се на емпатијата кон корисниците, а не на истражувањето за корисниците, Design Thinking нè носи веднаш до поврзувањето со клиентите и нè потсетува дека креираме производи што луѓето ги сакаат.
Што сакаме да постигнеме?
Сè започнува со прашањето: Зошто и зџа кого креираме продукти? Без разлика дали се работи за софтвер, хардвер, услуги или кампањи, сите ние споделуваме заедничка цел – сакаме да поттикнеме промени кај нашите корисници. Кога создаваме нови производи, тоа го правиме за да ги поттикнеме нашите клиенти да го променат своето однесување (на пр. колку често се поврзуваат со нас или колку често купуваат) или нивните перцепции (како на пример како ја гледаат нашата компанија).
Најпрвин поврзете се прво, а прашувајте подоцна!
Доколку навлезете во разликата помеѓу корисничкото истражување и емпатијата на корисниците, охрабрете се да направите пауза при поставувањето прашања за вашиот производ или идеја. Прво бидете длабоко ематични и поврзете се со вашите клиенти и за да дознаете повеќе за нивните животи. За да изградите производ кој ќе успее да поттикне промени, треба темелно да го разберете секојдневниот живот на корисниците – што ги фрустрира, што ги возбудува, што е значајно за нив.
Создадете повеќе избори,но не давајте брзи заклучоци и одлуки!
Концептите на дивергентно и конвергентно размислување ни помагаат да ја разбереме вредноста на моделот за Design Thinking. Тој нè охрабрува кон побогат процес на развој на идеи со тоа што нè охрабрува да се откажеме од целта да ја најдеме вистинската идеја во корист на создавање на поголем број можни избори. Ова го враќа апстрактното размислување во процесот на развој на идеи и овозможува простор за учење.
Кои се придобивките?
Design Thinking може да помогне со споделување на некои вредни лични приказни. Доколку се дознаат некои лоши и проблематчни искуства, побргу може да се креира или догради конкретниот производ.
Емпатијата, флексибилноста, отвореноста и иновативното размислување креираат одлични кориснички искуства.
Отстапување од производот и враќањето на емпатијата (како се чувствувал клиентот и што сакал да постигне во својот секојдневен живот) води до нови идеи, пошироки избори и на крајот до производи кои успеале да поттикнат промени.
За успех е потребно само да си го поставиме прашањето: Каква промена сакаме да направиме и како можеме да изградиме производ што е сакан, а не само остварлив?
