Како Design Thinking ги менува трендовите, а воедно и вашиот бренд?

Total
1
Shares

Беа потребни многу студии и истражувања за научниците во светот да заклучат дека „дизајнот“ навистина бил и е наука. Уште во 1978 година, Дејвид Кели ја формирал својата фирма за дизајн Дејвид Кели Дизајн. Терминот „Design Thinking“ влезе во лексиката на бизнисите во 1987 година кога универзитетскиот професор од Харвард, Питер Роу ја објави својата истоимена книга. Иако книгата се фокусира на архитектонски и дизајнерски пристап, таа стана добра рамка за дизајнерите.

Во 1991 година Дејвид Кели, Бил Могриџ и Мајк Натал ги споија своите компании за да формираат IDEO каде денес е значајна фирма за дизајн со седиште во Калифорнија и имаат клиенти како  Levi’s, Swarovski, Google Creative Lab, Ikea, Burberry и Apple.

IDEO е компанијата што го дизајнираше првото произведено глувче за Apple и оттогаш ја унапреди практиката на дизајн наменет за човековите потреби.

Како Design Thinking ги промени иновациите кај производите?

Design Thinking како концепт се залага за луѓето  да мора да бидат во центарот на секој продукт. Тоа значи дека е важно дизајнерите или иноваторите на производи да влезат во чевлите на крајните корисници за да ги почувствуваат нивните предизвици и проблеми.

Овој пристап им помага на дизајнерите и креаторите да ги имаат в предвид корисниците уште од фазата на прототипирање. Фазата на емпатија вклучува создавање „кориснички персони“ за тоа што им се допаѓа, не им се допаѓа, што мислат или чувствуваат овие корисници. Пристапот е концентриран кон корисникот при креирањето и им помага на развивачите на идеи и инженерите да изградат емпатија кон клиентите. Тоа е долг пат во создавањето производи и услуги кои навистина градат особена врска меѓу крајните корисници за тој бренд.

За што подобро разбирање на корисниците, вредно е да се постават следните три прашања:

  1. Кој е мојот корисник? (Возраст, потекло, пол, што сака,/не сака итн.);
  2. Кои се проблемите на мојот корисник? (Болни точки за одредена област);
  3. Како помага мојата идеја? (Решение за конкретен проблем)

Како Design Thinking може да го промени вашиот бренд?

Во срцето на Design Thinking е „Емпатијата“. Ова значи дека кога креирате апликација, производ или услуга, секогаш мора да ги имате на ум крајните корисници уште од фазата на идеација.

Брендовите што го пробале и го применуваат овој пристап се поуспешни на пазарот од нивните конкуренти, откријте зошто е тоа така:

  • Помага да се создадат одлични кориснички искуства

Design Thinking ги наведува креаторите да ги носат „капите за размислување“ на корисниците. Тоа им помага да ги идентификуваат емоциите што предизвикуваат одлуки за купување. Овој пристап не само што им помага на компнаиите, туку и на трговците, стратезите или на секоја функција што се соочува со клиентите, како што се и финансиите.

 

  • Создадете модели за да ги идентификувате проблемите

Многу пати може да биде тешко на дизајнерите на апликации и производи да се извлечат комплексен проблем. Кога започнува со емпатија, проблемите не само што се идентификуваат, сега и визуелно се мапираат. Ова им помогна на многу компании да решат сложени и уникатни проблеми.

  • Прототипирањето помага да се истражат потенцијалните решенија

Дизајн-ориентираните бизниси и компании градат прототипи на нови производи, идеи или нови услуги. „Патувањето“  заедно со клиентите овозможува истражување на проблематичниот простор, како и откривање на просторот за решение. Кога компаниите имаат навика да го прототипираат секое решение, тие честопати можат да изнесат предлози за единствена вредност за нивните апликации или услуги.

  • Научете брзо да го совладате неуспехот и да продолжите понатаму

Кај дизајн-ориентираните бизниси често се негува и може да толерираат неуспеси. Кога на програмерите, дизајнерите, продавачите им се дава слобода да експериментираат (и да подлегнат) има повеќе шанси да измислат иновативни решенија и апликации за да ги израдуваат крајните клиенти. Design Thinking се залага за брзо прототипирање, тестирање, неуспех и продолжување. Ова го забрзува бизнисот брзо да премине од едно помалку ефикасно до следното поефективно и поуспешно решение.

Денес технолошките компании како што се IBM, Apple или Samsung, како и  консултантските фирми како што се Deloitte или Mckinsey користат Design Thinking при развивање на прекрасни искуства на клиентите. Design Thinking денес има поголем и поширок влог отколку пред неколку децении.

Leave a Reply

Your email address will not be published. Required fields are marked *

Sign Up for Our Newsletters

Get notified of the best deals on our WordPress themes.

You May Also Like

Како изгледа Design Thinking процесот претставен со реален пример

Design Thinking е неспорно моќна алатка за компаниите, но како изгледа тоа во пракса? Како организациите го примениле овој пристап и како функционира? Познати компании како AirBnB и UberEats го…
Прочитај

Зошто позитивните критики се важни за работната атмосфера

Позитивното критикување е всушност фидбек за одредена активност, ситуација или однесување кој не зависи од реалниот исход туку се фокусира само на позитивниот дел. На пример, во спортот по изгубениот…
Прочитај

Дознајте како корисниците го гледаат Вашиот продукт

Секоја компанија се труди да навлезе во “чевлите” на клиентот, бидејќи перспективата на клиентот е круцијален фактор за успех на одреден продукт. За што служи вашиот продукт? Како клиентот ќе…
Прочитај

Имаш идеја и размислуваш што понатаму? 5 чекори за гарантиран успех!

Сигурно Ви се случило да испланирате сè убаво, но тогаш нешто се случува и тоа не се остварува. Обично се појавуваат некои ненадејни работи и едноставно ви снемува време да…
Прочитај

Зошто претприемачите треба да се запознаат со Design Thinking методологијата?

Иако навидум изгледа дека методологијата на Design Thinking е популарна кај дигиталните технологии, сепак нејзината моќ и ефикасност е препознаена кај претприемачите и бизнис круговите. Претприемачите имаат бенефит од примената…
Прочитај