Поранешниот извршен директор на SAP, Сем Јен, одамна ја препознал важноста на Design Thinking методологијата и ја имплементирал во својата организација.
SAP SE е германска мултинационална софтверска корпорација, која развива корпоративен софтвер за управување со деловните операции и односите со клиентите. Компанијата е особено позната по софтверот за планирање на ресурси за претпријатија.
Компанијата е посветена на design thinking скоро 10 години, а нивниот пристап насочен кон корисникот довел до експлозија на вредноста на нивните акции, поттикнувајќи откритија во cloud технологиите, софтверот за претпријатија, cloud услугите и апликациите како што се виртуелниот личен асистент.
За да го имплементира design thinking пристапот, компанијата ангажирала 1000 нови дизајнери, но имплементацијата се покажала како тежок и трнлив процес. Менаџментот постојано го нагласувал фокусот и посветеноста кон дизајнот, но многу оддели во компанијата сè уште го практикувале design thinking пристапот „по список“, каде што дизајнот е самостоен „чекор“, наместо пристап кој треба да се применува и провлекува во текот на целиот процес.
Како одговор, Јен составил специјални тимови за поддршка, кои се движеле низ проектите и ги решавале проблемите- иницијатива која била оправдана кога еден од тимовите успеал да помогне во решавање на проблем со незадоволен клиент. Дизајнерите биле поставени на местото кое отсекогаш го барале- да бидат вклучени во процесите и да им биде слушнато мислењето.
SAP започнал да ко-креира стратегии во координација со своите клиенти и потрошувачи, што резултирало со развој на SAP Fiori, библиотека која била првпат измислена од специјалните тимови, а која ги обновила најпопуларните самостојни апликации на компанијата за да работат одлично и на десктоп компјутерите, лаптопите, таблетите и паметните телефони. На ваков начин, SAP го усвоил Apple- пристапот, така што им овозможува на корисниците да ги избираат и приспособат само апликациите и алатките што им се потребни и да ги користат насекаде, во својата канцеларија или во движење.
Со вклучувањето на нивните корисници при креирање на продуктите, SAP добил многу пофалби и награди.
Она што е најважно за менаџментот на компанијата, е дека дизајн културата длабоко навлегла во организацијата и вродила со многу успешни проекти, како резултат на имплементацијата на design thinking.
SAP создал и форум на кој светските компании, особено од ИТ секторот, се охрабрени да ги споделуваат најдобрите практики, „што функционира и што не функционира“, за да им помогнат на сите други компании континуирано да се подобруваат и развиваат.
Во меѓувреме, компанијата продолжува да се усовршува во имплементацијата на design thinking, методологијата кон која е фокусиран бизнис светот, со која се бара најдобриот начин за решавање на комплицираните и итни прашања.