Кога лансирате нови производи (особено технолошките) може да биде тешко да се создаде вистинското решение за проблемот на Вашиот клиент при првиот (па дури и петтиот) обид.
Предизвикувачкиот дел во процесот на лансирање е длабоко да се разберат проблемите на своите корисници.
Како на пример пациентот во ординацијата на својот лекар. Задачата на пациентот е да ги опише своите болки и симптоми. Лекарот е тој што проценува и препишува лек. Истото важи и за градењето на нешто ново – Вашите клиенти можат да опишат симптоми, но на крајот мора Вие да ги идентификувате и потврдите претпоставките за тоа што ја предизвикува болката за да го пронајдете идеалното решение.
Да се најде најдоброто решение не е лесно. Ова е причината зошто лансирањето на нови производи е полн со ризици.
Дали претходно сте се сретнале со овие проблеми?
- Потребни се месеци за да се изгради и лансира нешто пред да добиете повратни информации од клиентите.
- Вашиот тим постојано расправа за тоа кои карактеристики треба да постојат уште при лансирањето.
- Не можете да одлучите кој проблем прво да го решите.
- Секој во тимот има различна идеја за тоа како треба да работи производот, па затоа не постои компромис за едно решение и не одговара на ничии потреби
- Ја пуштивте првата верзија на Вашиот производ, но сеуште нема никаков резултат.
Замислете доколку на клиентите би можеле да им покажете производ кој ги решава нивните проблеми по само една недела напор. Како може тоа да го промени начинот на кој Вашата компанија при лансирањето на нови производи на пазарот?
Бизнисите забрзано го усвојуваат процесот на дизајнирање на производи во развој познат како „Design Sprints“ за да помогнат во тестирање, претпоставки и носење на одлуки за своите производи во рок од пет дена.
Овој процес станува масовно популарен како кај водечките глобални компании, така и кај средните и помали бизниси.
Резултатите се зачудувачки
Спринтот е збир на методологии наречени Design Thinking. Популаризиран од IDEO, Design Thinking е метод за создавање нови производи преку дизајнирање за и со клиентите. Овој пристап ги опфаќа методите и идеите за дизајн насочен кон човекот како единствен унифициран концепт.
Овие процеси допринесуваат да се усогласат и насочат тимовите околу брзо креирање, тестирање и потврдување на она на што ќе се работи пред да се инвестира многу време и пари во развој на целосното решение.
