Design Thinking е комплексен пристап од неколку чекори кој се базира на емпатија, љубопитност и е кориснички- ориентиран. Тимовите кои вклучиле Design Thinking во продажбата стигнале до 100% покачување на профитот (пример е Sell by Design стратегијата на Salesforce).
Класичните начини на продажба водат кон пропуштени шанси, додека кориснички- ориентираниот продажен процес е најблизок до типичното корисничко искуство и комплетно го следи истото (види погоре). Затоа, одвојуваме неколку чекори кои произлегуваат од Design Thinking, а се одличен метод за зголемување на продажбата:
1. Љубопитност
Сменете го пристапот од “мора да ја затворам зделката” во “сакам да научам нешто ново!”. На тој начин, искрено ќе се посветите на вашите идни клиенти, вашите конверзации ќе бидат поавтентични, поискрени и насочени кон личноста со која зборувате наместо да звучат генерички, избрзано и очигледно- насочени само кон крајната цел, продажбата.
Откривањето на вистинскиот проблем или предизвик кој сакате да го решите на вашите клиенти е крајната цел која треба да си ја зададете- бидејќи само така ќе го понудите производот/ услугата што им е потребен на клиентот и совршено ќе одговорите на нивните барања. Обрнете внимание на своите клиенти за да ги откриете и проблемите/ предизвиците со кои тие се соочуваат без да бидат свесни за тоа, а потоа да им понудите решение за истите за кое не знаеле дека им е потребно.
2. Со емпатија до конверзија
Врската помеѓу Design Thinking и продажбата е емпатијата- која е суштината на Design Thinking. Емпатијата и продажбата се нераскинливо поврзани. Луѓето сакаат да стекнат доверба во брендовите и кога нивните потреби се исполнети од страна на одреден бренд, тие стануваат лојални потрошувачи.
Доколку компанијата решава одреден проблем или предизвик за потрошувачите без да обрне внимание на нивните потреби, тогаш продажбата ќе биде неуспешна бидејќи ќе се фокусира на погрешни потрошувачи. Доколку станува збор за B2B продажба, тогаш треба да се фокусирате на потрошувачите на компанијата која е ваш клиент.
3. Ko- креација
Соработувајте и ко-креирајте со вашите потенцијални клиенти. Наместо состаноци одржувајте работилници за ко- креација каде ќе генерирате идејни решенија за одредени предизвици со кои се соочувате. На тој начин не само што ќе добиете идеи и информации од “прва рака”, туку и истовремено ќе ги валидирате своите понуди. Консултирајте се со клиентите и бидете консултанти на своите клиенти со цел тие да станат лојални и неразделни со вашиот бренд.
