“A man is but the product of his thoughts what he thinks, he becomes.” – Mahatma Gandhi
Дали сте посакале да се чувствувате попозитивни? Дали некогаш сте биле фрустрирани и исполнети со негативна енергија?
Речиси сите сме биле со такви чувства, но добрата вест е дека можете да направите нешто ваквите емоции поретко или воопшто да не се вратат. Емоциите што ги имаме се заради мислите што ни претходат.
Промената на мислите е многу слична на променатa на навиките. Ако сакате да започнете да се храните поздраво или да спортувате, сè започнува со првиот чекор. Веројатно, ќе биде тешко на почетокот, затоа што се обидувате да промените нешто на што сте навикнале и на што е навикнато вашето тело. Сепак, по 3 до 4 недели, ќе почнете да се чувствувате попријатно.
Следните совети се еден вид на процес кој можете да го следите за да ги промените вашите мисли и да го наполните вашиот живот со позитивност:
Читајте
Најдете наслови на книги кои ве инспирираат, охрабруваат и мотивираат. Не е важно дали веќе знаете за што се работи во книгата. Она што е важно постојано да го храните умот со позитивен и инспиративен материјал. Колку повеќе време можете да поминете во светот на позитивноста, толку подобро. Постепено зголемувајте го времето кое пријатно ви влијае. И ако продолжите редовно да читате, на крајот ќе станете еден од оние среќни, позитивни луѓе кои можат да се справат со какви било предизвици.
Слушајте музика
Додека шетате, миете садови или некој друга домашна работа слушајте музика. Изберете жанр кој ве релаксира. Екпериментирајте, никогаш неможете да знаете додека не дозволите некој нумера да си погра со вашите емоции. Изборот е голем , о класична музика до музика за играње. Пронајдете го вашиот стил и препуштете им се на нотите!
Изберете фокус
Иако ова може да звучи претерано едноставно, повеќето луѓе не го прават, а тоа е да се фокусираат на позитивните наместо да се занимаваат со негативните работи. Повеќето луѓе се концентрираат на проблемите што ги поседуваат наместо решенијата. Се покажа дека повеќето од нашите грижи никогаш (за среќа) не се ни случуваат. Тоа значи дека се грижите и сте под стрес без никаква причина.
Следниот пат кога ќе почувствувате негативност, превртете ја ситуацијата и размислете за позитивниот аспект на тоа и што можете да направите. На пример, наместо да прашате „Зошто баш мене?“ или „Зошто сум толку несреќен?“ запрашајте се „Што можам да научам од ова?“ и „Како можам ова да го поправам ова?“
Стекнете нови навики
Какви навики имате во моментов што предизвикуваат негативност во вашиот живот? Како би изгледал вашиот живот ако започнете да ги менувате? Кога донесуваме одлука за промена на навика, тоа скоро се случува само по себе, но мора да бидете решени да го остварите тоа.
Како што споменавме, менувањето на вашите мисли е како промена на која било навика во вашиот живот. Нема да биде лесно, екпериментирајте со нови перспективи и активности кои ќе ви побудат пријатни искуства.
Поставете си цели
Мнозинството речиси никогаш не поставува никакви цели. Јасно е дека може да биде тешко да одлучите каде сакате да одите и сакате да ги оставите вашите опции отворени, но ништо нема да се случи додека не направите избор. Не е важно дали вашите цели се менуваат. Всушност, тоа е нормално и една од причините зошто треба да продолжите да ги менувате своите цели како вие растете.
Вашите цели ќе ви дадат фокус и цел, затоа проверете дали сте поставиле цели во секоја област од вашиот живот. Најчестите области се здравјето, кариерата, личниот развој и друштвениот живот.
Најдете ја хумористичната страна
Дозволете си да извлечете смеа дури и во најтемните ситуации. Потсетете се дека од оваа ситуација веројатно ќе произлезе добра приказна подоцна и обидете се да направите шега за тоа. На овој начин полесно ќе ги преживувате тешките моменти, ќе си помогнете да не западнете во агонија, туку напротив ќе научите секогаш да излегувате како победници.
Следете ги соништата
Доколку ја следиме својата страст и се движиме кон животот од соништата, позитивноста во нашиот живот магично ќе се зголеми. Повеќето луѓе прават работи што не сакаат да ги прават и никогаш не одат ни чекор нанапред кон наоѓање на нивната пасија.
Не дозволувај ова да бидете и вие. Одете по вашите соништа, одвојте барем по 10 минути на ден. Ако започнете денес, можете да го надградите она што го имате, но ако продолжите да го одложувате, тоа никогаш нема да се случи.
Зголемувањето на позитивноста во вашиот живот е едноставно, но не и лесно. Треба да преземете одговорност и да делувате, бидејќи никој нема да го стори тоа за вас.
