Design thinking е пристап кој се користи за креативно решавање на комплексни проблеми. Па оттука следи прашањето “како да го примениме и за воведување на позитивни промени?”
Промените се неопходен дел од секојдневниот живот и работата, особено доколку се соочуваме со постоечки проблем или предизвик кој сакаме да го надминеме.
Со Design Thinking можеме да најдеме начини како да стигнеме до одржливи промени во личниот и професионалниот живот. Пристапот е холистички т.е се концентрира на креирање на решенија за предизвиците на луѓето преку емпатија и постојано тестирање и валидација на решенијата.
На пример, доколку сакаме да ја одржиме навиката да вежбаме 4 пати неделно, а не ни успева – можеме да се обидеме да најдеме начин за да ја одржиме таа навика со пристапот Design Thinking. Пристапот ја потенцира важноста на итерацијата- секој неуспех води кон напредок, но – без откажување. Па така, наместо да прифатиме дека не можеме да вежбаме 4 пати во неделата, можеме да го најдеме начинот на кој би се држеле до тоа ветување (да го најдеме вистинското време за вежбање во денот, да ангажираме тренер кој ќе не мотивира, да вежбаме дома наместо во фитнес центар, итн.).
Design Thinking не води од дефиниран предизвик, преку генерирање на идеи па се до успешно решение на тој предизвик.
Во бизнисот пак, промените се уште покомплициран процес. Најчесто ниту вработените ниту менаџментот не се подготвени да ги прифатат промените, па затоа е особено важно да се земат во предвид нивните мислења и идеи, секако покрај мислењата на потрошувачите и корисниците. Неопходен е консензус во врска со тоа кој е предизвикот со кој бизнисот се соочува за да се започне со генерација на идеи за решавање на предизвикот. Тестирањето на решението и подобрување на прототип решението е процес кој може да се повторува се до постигање на конечен резултат.
Се смета дека со Design Thinking пристапот шансите за неуспех се сведени на минимум бидејќи тој се базира на длабоко познавање на потребите и желбите на луѓето, односно согледување на проблемите од различни аспекти на сите засегнати страни. Токму заради тоа овој флексибилен, холистички пристап е широко прифатен од компаниите кои сакаат да воведуваат промени кои ќе донесат успешни резултати без многу напор.
Исто така, голем дел од компаниите кои го имплементирале Design Thinking во своето работење сметаат дека овој пристап може целосно да го замени класичното менаџирање со промени.
