2021 година беше голема година, полна со подеми и падови кои драматично ги променија потребите на потрошувачите и начинот на кој сите работиме. Ако тоа ве остави да се прашувате како целата оваа промена ќе влијае на светот на дизајнерските трендови, во продолжени следуваат некои одговори!
Динамика: Движењата го привлекуваат погледот, па затоа гифот секогаш ќе биде попопуларен на интернет отколку класичната фотографија. Новите платформи се посветуваат повеќе на видеата, а со тоа и нивниот интерес сè повеќе расте.
Енергија: Помина времето на пристапот „помалку е повеќе“ со класични форми и бои. Откако луѓето ја искусија пандемијата, тие сè повеќе прифаќаат колорити и иновативни елементи во најразлични дигитални облици.
Меѓународен вкус: Толку многу од секојдневната работа и живот се пресели на интернет, што ги отвори вратите за соработки од целиот свет. Ова ќе му даде на дизајнот многу посветски и разнолик вкус во оваа година.
Еклектицизам во дизајнот: Искуството на сите за пандемијата беше различно. Некои ќе најдат привлечност во носталгијата, додека други ја слават слободата и животот. Нашите искуства се тие кои ќе го обликуваат дизајнот во претстојниот период.
Преродба од 1990-тите: Честопати, она што било старо повторно станува ново. Ова е едно од тие времиња. Очекувајте да видите реконструкција на дизајнот од 1990-тите, вклучувајќи светли бои и заоблени рабови.
Поголемото е подобро: Максимализмот е во пораст бидејќи годините на рационализирање и минимализмот се позади нас.
Промена на типографијата: Како што се менуваат другите елементи на дизајнот, така се менува и типографијата. Сите се подготвени за повеќе и нешто посветло, што се покажува во типографијата и новиот тренд на видеа.
Партнерства: Очекувајте да видите повеќе брендови кои користат соработки и партнерства за да допрат до нова публика. Ова е експанзија на долго тестирана идеја, а која ја гледаме од неодамна кај инфлуенсерите.
Go Green: Луѓето сакаат да ги поддржат компаниите кои имаат зелени иницијативи. Но, бидете внимателни, без еколошка акција, може да изгледате како измамник.
Бидете реални: Искреноста ќе биде ценета оваа година. Луѓето ќе го бараат она што е ново, свежо и реално.
Бизнисите кои успеваат во моментов ги ставаат потребите и желбите на потрошувачите во сржта на она што го работат. Врвните компании користат Design Thinking за да поттикнат иновации кај нивните производи, услуги и маркетинг.
