Еден од најпознатите претприемачи во светот, милијардер и бизнисмен од листата на 100 највлијателни луѓе во светот- Илон Маск, има неверојатна бизнис и животна приказна.
Тој е основач, извршен директор и главен инженер во SpaceX; извршен директор и архитект на производот на Tesla, Inc; основач на The Boring Company, PayPal; и ко-основач на Neuralink и OpenAI. Маск е еден од најбогатите луѓе во светот и еден од најиновативните сериски претприемачи во светот. Првиот компјутер го купил на 10-годишна возраст и го продал својот прв комерцијален софтвер на 12-годишна возраст. Неговата пасија е комерцијализација на иновациите во три подрачја: интернетот, вселената и чистата енергија.
Која е тајната на успехот на Илон Маск?
Зад оваа успешна приказна се кријат неколку тајни рецепти кои ги откриваме тука:
- Сакај ја својата работа
Во својата богата претприемачка кариера, Илон Маск се соочува со многу падови и неуспеси. Неговата пасија кон работата, иновациите и упорноста да ги оствари своите соништа го одржуваат на патот на успехот. Кога го сакате она што го работите, целата енергија се насочува кон отстранување на препреките и раст на бизнисот кој несомнено се соочува секогаш со предизвици и падови.
- Преземај ризици
Елон препорачува да ризикувате кога сте уште млади бидејќи обврските само се зголемуваат со текот на времето.
„Откако ќе имате семејство, станува многу потешко да се вложува во работи што можеби нема да успеат.”
Поголемите ризици во бизнисот, како што се оние потребни за да се создаде нова пазарна ниша, носат потенцијал за големи успеси и остварувања.
- Изберете да работите нешто значајно
Успехот и задоволството од вашата работа не се состојат само во заработката.
Илон на негова 27-годишна возраст беше повеќе од финансиски поткован, но тој продолжи да работи напорно бидејќи ја препознава важноста на неговата работа и попатно го менува светот во тој процес. Тој препорачува секому да биде смел во работата и да избере да направи нешто значајно. Работата на важни проекти не само што може да ви донесе големи финансиски награди, туку може да обезбеди и задоволство што доаѓа со знаењето дека го менувате светот на подобро.
Еден интересен факт е што Илон ги гради компонентите на секој софтвер- сам. Ова го прави според неговиот принцип на „расудување според основните принципи“. Неговата теорија е дека генерално, процесот на размислување на луѓето е премногу конвенционален или е во аналогија со претходните искуства. Ретко кога луѓето се обидуваат да го базираат нивното мислење врз основа на основните принципи, туку едноставно ги прават работите и формираат мислења по традиција, така како што секогаш било. Новитетите не се пожелни премногу бидејќи владее мислењето дека „никој никогаш не го сторил тоа, па затоа нема да биде добро“.
За сите оние што се стремат кон градење на поубав свет за живеење, а притоа сакаат да уживаат во својата успешна кариера, Илон Маск е можеби најинспиративната личност на денешницата, чии совети треба внимателно да се следат.
