Потребата од Design thinking во деловната комуникација

Total
1
Shares

Способноста за ефективна комуникација се смета за многу важна вештина во секојдневниот живот, но и во деловното опкружување, каде повеќе од се друго е потребно меѓусебно разбирање. 

Design Thinking пристапот се базира на емпатија и разбирање на потребите на другите. За да се оствари ефективна комуникација, емпатијата е неопходна вештина. Со помош на емпатијата  ги разбираме луѓето, нивните реакции, мисли и желби, а истовремено осознаваме како повратно да ги искажеме нашите мисли и идеи без да навлеземе во конфликтни или безизлезни ситуации. 

Веќе сфаќате како комуникациите може да имаат огромна корист од усвојувањето на Design Thinking, нели?

Комуникацијата на компаниите со клиентите, но и интерната комуникација во рамки на тимот е клучен фактор за успехот на секој бизнис подвиг.  

Силните тимови градат разбирање

Design Thinking како методологија која е фокусирана на човекот, наместо на функцијата, не се поврзува со улогите на поединците во тимот и на компанијата во целост, туку се фокусира на луѓето во рамки на компанијата, нивниот интерес да соработуваат, учествуваат, разберат и научат, креираат решенија и неочекувани резултати. 

За почеток, формалните и неформалните разговори со вработените се одличен начин да научиме нешто повеќе за нивните потреби, желби и аспирации. Design Thinking е итеративен пристап, не заборавајте, па така се користи и при усовршувањето на комуникациските процеси. 

Овој пристап служи како модел за откривање на најавтентичните одговори и погледи на вработените. Тимот на вработени не е само пасивен примател на пораки, туку активен создавач на истите. Design Thinking ги стимулира вработените и им овозможува да се изразат на најприроден начин, па така успешно функционира во компании кои ја ценат современата комуникација, отворена за нови решенија. За комуникациските експерти, Design Thinking може да биде универзална алатка за проучување на човечки интеракции и преференции на вработените и креирање на нови начини и техники за комуникација.

Силните компании градат приказни за паметење

Во комуникација со клиентите, предизвикот не е иницијално да се освои нивното внимание, туку да се надмине бариерата на отпорот кој корисникот го има кон вашата понуда. Клиентите секојдневно добиваат огромен број на понуди. Некои понуди се со персонализиран пристап, некои се автоматски испратени на целната  група на луѓе. Кој е пристапот што ќе ја издвои вашата понуда од морето на понуди? Најлесно ќе се издвоите доколку нудите конкретно решение за проблемот на клиентот со кој комуницирате. Иако звучи лесно, овој момент на меѓусебно разбирање со клиентот бара активно слушање, набљудување и емпатија.

Откако ќе ги разберете малку подобро вашите потенцијални клиенти, дозволете и тие да ве запознаат вас. Раскажувањето на приказни (анг. storytelling) е моќна алатка за презентирање на брендот, компанијата, работата, успешните приказни и визијата на тимот. Еден нов начин на користење на оваа алатка е претворање на класичните студии на случај во вистински приказни од искуството на компанијата. Добрата приказна се фокусира повеќе на тимот отколку на компанијата, на предизвикот кој го решиле и на нивните емоции во текот на процесот. Сите ги сакаме приказните во кои добриот херој победува, нели? Тимот кој ја усовршува улогата на херојот кој ги решава проблемите на клиентите исто така- секогаш победува. 

 

Leave a Reply

Your email address will not be published. Required fields are marked *

Sign Up for Our Newsletters

Get notified of the best deals on our WordPress themes.

You May Also Like

Како да дојдете до најдоброто решение за проблемот користејќи ја Design Thinking методологијата?

“Сите сакаме иднина која ќе биде подобра од сегашноста” – во зборовите на Елон Маск, претприемачот кој го освои светот со своите ракети, електрични автомобили и тунели, ние сакаме да…
Прочитај

ТОП 10 Design Thinking трендови за 2022

2021 година беше голема година, полна со подеми и падови кои драматично ги променија потребите на потрошувачите и начинот на кој сите работиме. Ако тоа ве остави да се прашувате…
Прочитај

Како пандемијата ги промени навиките на потрошувачите?

Пандемијата на КОВИД-19 сигурно ги промени животите и навиките на сите нас. Навиките што ни биле секојдневни до пред пандемијата, сега веќе се целосно променети. Одењето во шопинг е веќе…
Прочитај

Design Thinking: Тајното оружје на успешните компании

Итеративните иновации поттикнуваат долгорочен раст преку генерирање на континуирано подобрување. Ова им помогна на повторливите процеси како што е Design Thinking да добијат значителна популарност во бизнис светот. Човечкиот, односно…
Прочитај

Kои се најбараните професии и работни квалификации денес?

Пазарот на работна сила постојано се менува и еволуира. Најбараните работни квалификации се менуваат од година во година, а особено со развојот на технологијата во последната декада. Во 90тите години…
Прочитај