Креативноста е заразна, пренесете ја на другите! – Алберт Ајнштајн
Креативноста не е вродена вештина, туку вештина која ја поттикнуваме, негуваме и развиваме со постојано создавање и креирање. Затоа, наместо да градите имунитет на креативност, погледнете ги десетте документарни филмови кои ги издвоивме за вас со цел да поттикнеме позитивна, креативна енергија која ќе ве инспирира во животните потфати.
-
Design & Thinking (2011)
Очекувано, на прво место на листата е документарецот инспириран од design thinking методологијата во кој се интервјуирани врвни менаџери како и светски познатите design thinking експерти, основачите нa IDEO Тим Браун и Дејвид Кели. Документарниот филм се фокусира на предизвиците на 21.век и имплементацијата на design thinking методологијата во бизнис светот.
https://www.youtube.com/watch?v=uilcaXYnluU&t=32s
-
Inge Druckrey: Teaching to see (2012)
Познатата Инге Дракри, дизајнер и едукатор, во овој документарен филм за графички дизајн трпеливо не учи како да научиме да го гледаме светот и да визуелизираме за да создаваме дизајн. Малите детали во нашето опкружување се неисцрпна инспирација, само доколку знаеме да ги забележиме.
https://vimeo.com/45232468#embed
Design the new business (2011)
Создаден од неколкумина холандски студенти на стратешки дизајн со поддршка од Зилвер Иновејшн, овој краток документарен филм ни покажува дека дизајнот и бизнисот се неразделни категории.
https://vimeo.com/31678404#embed
Influencers (2019)
Инфлуенсерите се подвижните реклами на брендовите во денешниот свет на социјални мрежи. Во овој краток документарен филм се анализираат факторите на популарност и влијанието на инфлуенсерите, како и трендовите и креативноста кои тие ги претставуваат.
https://vimeo.com/16430345#embed
The Creative Brain (2019)
Дејвид Иглман, невролог и автор на бестселери, ги дознава тајните на креативноста и креативниот процес од остварени креативци ширум светот во овој одличен документарен филм на Нетфликс од 2019 година.
https://www.youtube.com/watch?v=5gSmcL1CJMQ
Print the Legend (2014)
Уште еден одличен документарен филм од ризницата на Нетфликс, кој за прв пат во историјата го прикажува раѓањето на новата 3Д индустрија и нејзините неограничени можности.
https://www.youtube.com/watch?v=JeqT2NvTFSw
Abstract: The Art of Design (2017- 2019)
Единствената документарна серија на оваа листа е дело на Скот Дадич, а во продукција на Нетфликс. Во двете сезони на серијата се нуди по нешто за сечиј интерес, па така во епизодите дефилираат познати дизајнери, иноватори, архитекти, фотографи чии дела се обележје на модерниот свет.
https://www.youtube.com/watch?v=DYaq2sWTWAА
Art and Copy (2009)
Вистинскиот документарен филм за оние кои се интересираат за маркетинг, рекламирање, ПР и разбираат дека уметноста и пишаниот збор злато вредат во модерната бизнис арена.
https://www.youtube.com/watch?v=raitw4z_0BE
Amazon Empire: The Rise and Reign of Jeff Bezos (2020)
Креативноста не е извор само на уметност и врвен дизајн, туку и на креативни бизнис модели. Новиот документарец за Џеф Безос, основачот на Амазон, ни ја раскажува приказната за подемот на Безос од сопственик на мала компанија до гигант од досега невидени размери во историјата на капитализмот.
https://www.youtube.com/watch?v=RVVfJVj5z8s
Faces Places (2017)
Францускиот документарен филм на режисерката Агнес Варда е свежа и поинаква приказна за нејзиното невообичаено пријателство со фотографот и муралист ЈР и нивните уметнички авантури во прекрасните рурални делови на Франција.
