Доц. Д-р Кате Трајкова е професор на Универзитетот Американ Колеџ Скопје. Неодамна се запозна и започна да ја применува Design Thinking методологијата. Од интервјуто ќе дознаете како е да се биде професор денес и кои се нејзините најголеми предизвици.
Колку време сте професор и на која катедра? Можете ли да ни кажете малку повеќе за вашето искуство и одговорности?
Да се биде професор во ова време на големи промени е вистинска чест, професија која не подразбира само пренесување на знаење и сознанија туку многу повеќе опфаќа активности за развој на социо-емоционалните вештини, индивидуален развој, насочување на интересите и обликување на вредностите на младите. По речиси една деценија во високото образование, предавам група предмети од областа на организациските науки и менаџментот, младите и нивниот ентузијазам, љубопитноста за принципите на современиот менаџмент, одржливоста на бизнисот како и за психологијата на менаџментот ми се сериозен предизвик за постојана потрага по нови пристапи на едукација. Како што кажав, личниот развој на студентите и грижата за нивнот менатлно здравје во рамки на центарот за академско советување се значаен дел од мојот академски ангажман.
Едукацијата постојано бара нови алатки и методологии кои ќе им овозможат креативни и интеркативни начини на младите. Што ве поттикна да тргнете во потрага по нови алатки и методологии? Како дознавте за Design Thinking методологијата?
Научно истражувачката работа бара постојано активно и високо ниво на љубопитност, изразување на креативниот потенцијал. За подобро запознавање со одредени концепти, настојувам во своите предавања да им предочам на студентите конкретни веќе докажани, апликативни модели и алатки за работа. Верувам дека низ вежба и тестирање на одредени методологии во одреден контекст за време на часот или на одреден случај, придонесувам за развој на критичкото мислење и стекнување на знаење. Покрај низата на алатки кои ги применувам во својата работа, за Design Thinking методологијата ме поттикнаа да размислувам првенците практичари на алатката – InnoThink и Solveo. Во потрага по целиот концепт на методологијата, станав член Interaction Design Foundation каде ја завршив онлине обуката со исклучителен успех меѓу 10те најдобри во класата, односно 3та на листата слушатели од Република Северна Македонија.
Имавте прилика да ги примените алатките од Design Thinking методологијата со вашите студенти. Дали можете да ни споделите кои беа нивните импресии и дали сметате дека може DT методологијата да се примени во секојдневните предавања и активности со студентите?
Запознавањето со алатката преку конкретен пример од секојдневното живеење и потрагата по можни иновативни пристапи за решавање на прашањето кое го засега секојдневниот живот на младите беше ново и необично искуство за нив. Алатката ја применивме додека сеуште имавме настава во училница, каде имаа можност да работат во групи, да минат низ сите фази на процесот, да цртаат и да генерираат навистина иновативни пристапи. Алатката ќе ја применувам и понатаму на своите часови, истовремено применувајќи ја за дизајн на предавањата по одредени тематски единици. Со малку вежба истата станува рутина која може да се примени за дизајн на разновидни решенија на прашања од нашето секојдневие.
Дали би ја препорачале Design Thinking метологијата на наставниците и универзитетските професори? Според вас дали еден ваков тип на креативна методологија може да стане дел од целокупното образование на младите?
Design Thinking Методологијата е алатка која има исклучителна вредност. Наставниците и универзитетските професори треба да ја совладаат пред се за дизајнот на своите часови. Хумано центристичката природа на методологијата подразбира покрај идентификацијата на екстерните фактори, идентификација на психолошката природа на корисникот на услугата, а со тоа дизајнирање на услугата според природата на корисникот во случајов нашите ученици и студенти. Познавањето на алатката и нејзината примена во дизајнирањето на образовно едукативниот пристап за време на пандемијата со Ковид може да одигра значајна улога во подобрувањето на образовниот процес. Ги охрабрувам да се запознаат, безрезервно да ја применуваат и да навлезат што подлабоко во примената на алатката која ке им открие поинакви перспективи за наставата и образованието во ова време.
