„Секој од нас мора да работи на сопственото усовршување, а во исто време да споделува општа одговорност за целото човештво.“ – Марија Кири
За Марија Кири слободно може да се каже дека освен што е прва жена во науката, таа е и прва жена во иновациите. Родена е 1867 година во Варшава, Полска и се вели дека била чудо од дете, огромен љубител на литературата и неверојатна во математика. Работела како гувернанта до 24-годишна возраст за да заштеди пари за школување, а потоа станала првата жена во Франција која докторирала.
Таа го проучувала ураниумот, радиоактивен елемент кој во тоа време не бил добро разбран. Кири открила два нови елементи, радиум и полониум, заклучила дека овие елементи се одговорни за радиоактивните својства на ураниумот. Таа продолжила да ги применува своите наоди за да создаде третмани за рак и да ја унапреди рендгенската технологијата.
Кири е првата жена што добила Нобелова награда во 1903 година. Потоа, во 1911 година, таа е прогласена за прва личност која освоила две Нобелови награди и сè уште го држи рекордот како единствена жена која има заработено две Нобелови награди во две различни области (физика и хемија).
Малку е да се каже дека таа длабоко влијаеше на светот со своите идеи и има уште многу да се научи од нејзиниот пристап кон решавање на проблемите.
Во продолжени ќе можете да дознаете и научите како да размислувате повеќе како Марија Кири и да ги примените нејзините стратегии за размислување во секојдневниот живот и работа.
Стратегијата за размислување на Марија Кири
Како извонреден научник, Марија Кири се потпирала на три клучни стратегии за да се движи низ светот, да донесува одлуки, да соработува со други и да истражува нови идеи.
- Страст кон непознатото
Пасијата на науката е да се истражува непознатото. Сепак, дури и научниците се борат со прифаќање нови мисли или пристапи кои се во спротивност со нивното разбирање за светот. Сепак, Марија Кири не се плашела од нови идеи. Таа на почетокот на нејзината кариера понуди своја „смела хипотеза“ што предизвика научен метеж.
Во тоа време, научниците мислеле дека зрачењето доаѓа од интеракциите помеѓу две молекули. Сепак, тие не биле сосема сигурни кои се молекулите или како се случуваат тие интеракци. Кири предложила дека зрачењето не доаѓа од две молекули, туку од подмолекули. Оваа идеја го оспорила широко распространетото верување дека атомите немаат никакви подчестички.
Охрабрена, Кири ја продолжила својата работа и ги пронашла двете подчестички кои предизвикуваат зрачење, а тоа се впрочем елементите: радиум и полониум.
Таа ја добилa Нобеловата награда за ова истражување во 1903 година.
- Радикални постапки
Понекогаш, најрадикалниот облог што можете да го направите е облогот што го правите на себе. Марија Кири ималa самодоверба да се обложи на себе и покрај тоа што првично била во сенка на нејзиниот сопруг и лабораториски партнер (Пјер Кири), поради половата припадност. Кога Пјер неочекувано починал, колегите очекувале Кири да ја прифати пензијата како вдовица и да се повлече од лабораторијата. Наместо тоа, таа го направила токму спротивното: верувајќи во нејзините способности, таа останала на универзитетот Сорбона и самата ја презела лабораторијата.
- Споделување на идеи
Марија Кири воопшто не била заинтересирана да го задржи своето истражување изолирано во лабораториите на одделите за хемија или физика, како и да ги патентира своите откритија. Наместо тоа, таа работела со сите заинтересирани за истражување на радијацијата, вклучително и луѓето од здравството. Интересен е фактот дека за време на Првата пветска војна, Кири ја користела својата работа за опремување на амбулантни возила со апарати за рендген. Таа дури и сама ги возела амбулантните возила за да им помогне на војниците на кои им била потребна медицинска помош.
Како да размислувате како Марија Кири?
Живееме во непредвидлив свет исполнет со предизвици. Сепак, стравот од иднината може да нè парализира, што го отежнува креативното решавање на проблемите и стратегиите. Исто така, ако создадеме работни култури кои се премногу ризични, можеме ненамерно да ги спречиме иновативните придонеси. Размислувањето како Марија Кири бара преиспитување на нашиот однос со ризиците.
Исто така, бара да научиме како да се обложуваме на себе. Марија Кири не дозволила туѓите предрасуди кон жените да ја попречат нејзината работа. Таа носела одлуки за нејзината кариера бидејќи ја ценела моќта на науката.
Обложувањето на себе значи да веруваме во себе и да правиме избори врз основа на нашите вредности.
Крајно, можеби нема да сакаме да ги споделиме нашите идеи пред да бидат „подготвени“. Сепак, споделувањето идеи може да биде одличен начин за поврзување со другите внатре и надвор од вашата област. Споделувањето, исто така, дава можност да се добијат повратни информации од многу различни перспективи.
Ова се 3те практични прашања што можете да си ги поставите за да размислувате како Марија Кири:
1. Кој е тој мал ризик што можете да го преземете токму сега за да го подобрите вашиот работен или личен живот? Што може да се случи ако го преземете тој ризик?
Фокусирајте се на можните позитивни резултати за да се поттикнете да дејствувате.
2. Дали вашите работни, едукативни или приватни одлуки се усогласени со вашите лични вредности? Дали донесувате одлуки врз основа на овие вредности? Доколку одговорот е не, кои мали чекори можете да ги преземете за да бидете подобро усогласени?
3. Колку се чувствувате удобно да ги споделувате вашите идеи со светот, дури и кога тие се во почетна фаза? Дали постои идеја за која размислувате и која би можеле да ја споделите со некого за да добиете повратни информации?
Марија Кири останува една од најважните научни фигури во историјата. Ќе биде запаметена по прифаќањето непознатото, по обложувањето на себе и споделувањето на своите наоди од лабораторијата со светот. За да го следиме нејзиното водство, мора да бидеме подготвени да се соочиме со неизвесна иднина, да имаме доверба во себе, да се справиме со кој било предизвик што ќе ни се појави и да се опкружиме со заедница која овозможува слободна средина, отворена за размена на идеи.
