Во модерното време кога корисничките навики бргу се менуваат, корисниците бараат се повеќе од брендовите а 84% од милениумците го игнорираат традиционалниот маркетинг, компаниите имаат шанса да ги реобмислат своите стратегии за привлекување корисници.
Кој е твојот корисник?
Според Design thinking, првиот чекор на една компанија е сознанието за тоа кој е нејзиниот корисник. Што работи нашиот корисник, колку години има, какви интереси, со какви проблеми се соочува и каде можеме да му помогнеме? Дефинирањето на корисникот е од клучно значење за тоа како да комуницираме со него и какви решенија (продукти, услуги) да му понудиме.
Покажи грижа за корисниците
Вашиот корисник не е само “купувач” на вашите производи, туку е личност со одредени психолошки, професионални и приватни карактеристики. Навлезете во неговите чевли и разберете ги неговите потреби, проблеми, желби и соништа. Помогнете им на вашите корисници да решат некој нивни проблем, бидејќи “никому не му е гајле колку знаете т.е што нудите, доколку вам не ви е гајле за никого”.
Исто така, разберете ги проблемите со кои луѓето се соочуваат во моментот и соодветно реагирајте, како што извршниот директор на филипинскиот Мекдоналдс, Кенет Јанг, испрати видео порака до своите потрошувачи дека компанијата се грижи за безбедноста на вработените и потрошувачите, како и за чистотата и квалитетот на храната во време на пандемија.
Изгради заедница
Кога веќе сте го запознале вашиот корисник, изградете заедница во која вашите корисници ќе чувствуваат припадност, ќе бидат постојано ангажирани и анимирани.
Корисниците сакаат автентични релации со брендовите, на пример: споделете ги нивните видеа во кои го спомнуваат вашиот бренд по примерот на Kettlebell Kings, или отворете групи на социјалните мрежи во кои корисниците ќе споделуваат нешто што ним им е важно, а е поврзано со вашиот бренд.
Едукативни материјали и бесплатни примероци за корисниците
Нудењето на бесплатни дополнителни едукативни материјали во врска со вашиот бренд или индустрија се дел од градењето на силна заедница. Оваа бесплатна “вредност” која компанијата ја нуди ги прави корисниците помалку засегнати од цената на продуктите или услугите кои ги нудите. Понудете и визуелизација: едукативни спотови, кратки видеа, анимации и слично.
Повик за акција
Повикот за акција (call to action) е маркетиншки израз за дејствие кое предизвикува непосреден одговор или инстантна продажба. Пример за одличен call to action е Netflix- на самата страна ви паѓа во очи црвеното копче Join free for a month, кое јасно ги информира корисниците дека доколку се регистрираат веднаш добиваат 1- месец бесплатни услуги.
Повикот за акција треба да биде конзистентен во секој дел од вашата маркетинг стратегија, да биде јасен и да не бара премногу напор од корисникот, а неговата цел е да се поттикне интеракција со корисниците.
