Денес ќе разговараме со Иван Зографски, ко-основач на Солвео – првата агенција за стратешки дизајн и иновации, како и еден од сертифицираните тренери за Design Thinking и инструктор во Innothink. Веке неколку години активно ја применува оваа методологија во секојдневното работење, како и обучува компании, студенти и средношколци за Design Thinking.
1. Кажете ни нешто повеќе за вас, кога првпат се запознавте со Design Thinking методологијата? Што ви беше најголема мотивација да продолжите да ја применувате?
Јас сум Иван, ко/основач на првата агенција за стратешки дизајн и иновации Солвео.
Прв пат се сретнав со поимот Design Thinking во 2009/2010 преку две книги што се сега едни од најбитните делови од мојата библиотека. Првата беше Business Model Canvas книга која има култен статус во нашата компанија, а втората е The Design of Business малку попозната книга од автор која во индустријата се смета за основоположник на Design Thinking метдологијата како што ја знаеме денес.
Уште од почетокот ми беше привлечна идејата за создавање на продукти/сервиси/бизниси кои се фокусирани на вистински кориснички потреби, затоа продолжив да ја учам и применувам во текот на целата моја професионална кариера.
2. Како се роди идејата за Innothink? Која беше потребата од вакви услуги на нашиот пазар?
Целта на нашата компанија Солвео е да им помогне на амбициозните компании и индивидуалци да лансираат нови продукти/сервиси/бизниси. Нашиот процес на работа е базиран на Design Thinking методологијата.
Откако го поминавме со различни клиенти сфативме дека процесот функционира на многу нивоа и во најразлични комплексности на зададениот проблем. Во тој момент ни стана јасно дека треба што повеќе луѓе да едуцираме за овој процес, од таа желба да го направиме Design Thinking широко распространет настана Инотинк.
3. Според вашето богато искуство за едукација на Design Thinking во нашата земја, сте имале прилика да работите со различни професионалци, студенти и средношколци. Како оваа методологија може да се практикува кај сите нив? Кои се придобивките од Design Thinking?
Во школо, на работа и на факултет најчесто се создава еден тип на комфорна зона каде што нема многу потреба од критичко размислување, креативност и решавање на интересни/комплексни проблеми (wicked problems). Главната придобивка на Design Thinking на сите нивоа е дека ги ослободува учесниците од таа зона и им дава алатки да ја искористат слободата. На крајот од секоја работилница учесниците се чувствуваат покреативни, поенергични и поподготвени за идните предизвици.
4. Досега вашите работилници се одвивале oфлајн, со новите промени Innothink се адаптираше со цел да ги направи виртуелно достапни. Можете ли да ни кажете како би функционирале виртуелните работилници за Design Thinking? Kолку е различно виртуелно искуство од физичкото?
Беше само прашање на време кога ваквиот тип на работилници ќе се пресели во виртуелниот свет, моменталната ситуација само го забрза тој процес експоненцијално.
Виртуелната работилница се погриживме да е најблиску што може до работилницата во физички простор.
5. Како би ја опишале Design Thinking методологија во една реченица?
Процес на создавање на корисни продукти и сервиси.
